किन सरेनन् पूर्वराष्ट्रपति आफ्नो घरमा ? छोरी भन्छिन्, ‘त्यो घर उनको होइन, मेरो हो’

काठमाडौं,कातिक १३ । नव निर्वाचित राष्ट्रपतिले पदभार सम्हालेसँगै पूर्वराष्ट्रपति डा. रामवरण यादवले शीतलनिवास छाडेका छन् । सरकारले व्यवस्था गरेको भाडाको घरमा बिहिबार नै सरिसकेका छन् । सबैभन्दा रोचक कुरा, उनको लागि सरकारले व्यवस्था गरेको बागडोलस्थित नयाँ घर उनी राष्ट्रपछि हुन अघि बस्दै आएको घर नजिकै रहेको छ ।
आखिर आफ्नो घर हुँदाहुँदै पनि किन राष्ट्रपछि भाडाको घरमा बस्न पुगे ? धेरैले यसलाई चासोको रुपमा हेरेका छन् । सामाजिक सञ्जालमा यस विषयमा टिकाटिप्पणी समेत शुरु भएपछि डा. यादवकी छोरी अनिता यादवले यस विषयमा स्पष्टिकरण दिएकी छिन् । सामाजिक सञ्जाल फेसबुकमा पोष्ट गर्दै अनिताले राष्ट्रपछि हुन अघि बस्दै आएको घर डा. यादवको नभएर उनको रहेको बताएकी छिन् ।

उनका अनुसार राष्ट्रपति यादव पूरानो घरमा नसर्नुको कारण उक्त घरमा एउटा गाडी पनि पार्किङ गर्ने स्थान पनि छैन । त्यस्तै ३.७ आनामा बनेको उक्त घरमा मात्र दुईवटा कोठा रहेका छन् जुन सानो परिवारको लागि मात्र उपयुक्त छ । यसैगरी गत वैशाख १२ को भूकम्पले घरमा क्षति पुगेकाले त्यहाँ मर्मत सम्हारबिना बस्न अनुपयुक्त रहेको उनले बताएकी छिन् ।
उनले आफूहरु तडकभडक गर्न नरुचाउने बताउँदै बाध्यतावस भाडाको घरमा बस्न परेको बताएकी छिन् । अनिताले आफ्नो पिताको स्वच्छ छविलाई धमिल्याउन खोजिएको भन्दै आक्रोशसमेत व्यक्त गरेकी छिन् ।