नवनिर्वाचित राष्ट्रपति भण्डारीले दिउँसो ३ बजे सपथ लिने

काठमाडौं, कातिक १२ । नवनिर्वाचित राष्ट्रपति विद्यादेवी भण्डारीले बिहीबार आफ्नो पद तथा गोपनियताको शपथ लिँदैछिन् । संविधान अनुसार नवनिर्वाचित राष्ट्रपतिलाई प्रधानन्यायाधीश कल्याण श्रेष्ठले दिउँसो ३ बजे राष्ट्रपति भवन शीतलनिवासमा सपथ लिनेछिन । नवनिर्वाचित राष्ट्रपतिले पदको सपथ लिएलगत्तै निवर्तमान भएका मुलुकको पहिलो राष्ट्रपति डा.रामवरण यादवलाई शितल निवासमै बिदाई समारोह गरिने छ ।

बिदाईलगत्तै उनी राज्यका तर्फबाट अतिविशिष्ट व्यक्तित्वका लागि उपलब्ध गराइएको आवासमा जानेछन् । उनको आवासकालागि ललितपुरको भैसेपाटीमा सुबिधासम्पन्न घर बन्दोबस्त गरिएको छ । राष्ट्रपति डा। यादव २०६५ साउन ८ गते मुलुकको पहिलो राष्ट्रपतिका रुपमा निर्वाचित भएका थिए । दुई वर्षका लागि निर्वाचित उनी सात वर्ष तीन महिनापछि उनी निवर्तमान हुँदै भीभीआईपी सुरक्षासहित शितल निवासबाट बाहिरिने छन् ।